قصة قصيرة 2 - جيل وجيل

Posted by Dr. Hashim Ibrahim FilaliUpdated on June 18, 2005:

جيل وجيل

(جيل اليوم وجيل الامس)
يا ولد !!! بلاش الشغل بتاعك اللى بتعملوا علينا، احنا مش صغار نصدق كل اللى بتقوله لنا، … ولا يدخل عقل إنسان… أنت شايف نفسك مظلوم، وأنت لسه ما بدأت حياتك، وشفت الصراع اللى على أصوله وحقيقته، فى هذا الزمان اللى أحنا عايشينه، أنت عايش أحسن من غيرك كثير. ده أحنا علمناك إلى أن تخرجت، وعندك السيارة من أيام الجامعة، اللى ما كان أحد يحلم بيها الا لما يتخرج ويتوظف ويشتغل، ولحد ما يلم من راتبه بعد سنه أو سنوات، يبدأ يفكر فى شراء سيارة، وممكن تكون بالتقسيط كمان، ولكن أنتم لا دفعتم حاجة من جيبكم، أو مصروفكم، ودائما كل حاجة أصبحتم تجدوها بالساهل. البابا بتاع أنت، والماما بتاعت حضراتكم، بتوفر لكم كل اللى أنتم عايزينه، وعايزين كمان تسافروا فى الأجازات جوه وبره، وكما تتزوجوا والشقة، وكل متطلبات الحياة، التى كانت فعلا معاناة وتعب، أصبحتم أنتم بعيدين عنها. أحنا ياولد، الجيل بتاعنا اللى شاف الغلب على أصوله، والحياة اللى فيها أزمات فعلا، وعرفنا قيمة الفلوس، والحاجات اللى أنتم بتتبطروا عليها. أحنا كنا بندور على شغل فى الإجازات المدرسية، أو إذا ما لاقينا شغل، تمر علينا وأحنا فى البيت محبوسين، ولا نستفيد منها شئ، من الماديات، إلا أننا كنا نقرأ الكتب ونحاول بأن نجد أية شئ كويس ممكن نعمله. ولكن أنتم أصبحتم فى الأجازات، إما تسافرا إلى المصايف الداخلية، وتستمتعوا بالوقت، والهدوء والتغيير. أحنا شفنا الغلب يا ولدى بالمقارنة بوضعكم اللى أنتم فيه الآن. وروح لأية حد من جيلنا وهو يحكى لكم أنتم الشباب، بتاع جيل النهاردة، ويسمعوا كيف كانت الحياة أيامنا. أنتم أصبح عندكم الفضائيات والأنترنت، العالم كله شايفينه وعارفينه، أحنا كنا عايشين مش داريانين إيه اللى بيحصل فى الدنيا. النهاردة ما أكثر المطاعم والمنتزهات والأسواق الحديثة على أرقى مستوى. أنتم فعلا وصلتم لحياة الرفاهية، التى كنا نحن ننادى بها، فى عصرنا، وأشياء كثيرة لم تكن لتخطر على البال. ها تقول أيه، الدنيا إتغيرت، ما هو ده أحنا اللى بنقوله لك، وعلشان كده لازم تعرف أزى تستفيد من هذا الوضع الحالى اللى أنتم فيه، بأفضل ما يكون، وليس فقط الشكوى المستمرة وتريد المزيد، وتريد المزيد…. ربنا يا ولدى يحفظ عليكم هذه النعمة التى أكرمكم بها الله، ويجعلها خير إن شاء الله لكم، أحمدوا ربنا. يا أبويا، أحنا مظلومين… بس يا ولد روح الله ينور لكم بصايركم، ويهديكم ويصلح حالكم….

Some of my favorite links:

HF whole work

healthcare

Garden

E-mail coverage

Global Occasions

[ Home Pages Posted ]